O grupo de baile “ LOAIRA” da Asoiación Mestre Manuel Gacio participará o domingo 17 de abril no XII concurso de baile tradicional no Pazo de Exposicións e Congresos da Estrada .
O Concurso está organizado por TEQUEXETÉLDERE é un proxecto de recreación e difusión da cultura do noso pobo, centrado en recuperar manifestacións etnográficas (baile, música, vestiario, cantigas, etc) coas que aloumiñar a formación dos máis novos e compoñer espectáculos que fagan as delicias do público en xeral.
Tanto o grupo de baile como o grupo de acompañamento deberán levar traxe tradicional.
Cada grupo dispondrá dun tempo máximo de cinco minutos. Para o noso grupo , categoría A , ata 10 anos, o concurso celebrarase en horario de mañán (ás 11:00 horas) .
