O percorrido celebrado en pasado día 12 en torno ao Pico Sacro, foi todo un éxito tanto de asistencia, unhas 75 persoas, como de organización. Realizáronse diversas paradas homenaxeando a cada un dos escritotes que nos seus textos fan mención a este Pico máxico.
Os caminantes do Roteiro foron contando historias e lendas das pedras do Pico. En Galiza a pedra está ligada á cultura e á tradición., era e segue a ser o material de construción dos santuarios e motivo de lendas, remedios e tradicións. Pola súa forma natural, polas propiedades que se lle atribúen, pola relación con fenómenos sobrenaturais as pedras están asociadas a multitude de ritos e crenzas, algúns moi primitivos e posteriormente cristianizados
PICO SACRO Estrabón (100 a. de C.) fala de ritos relacionados coas pedras no Pico Sacro, adicado ao Sol e a Xúpiter, no que, segundo un antigo costume, as pedras son voltas do revés e, despois de ofrecerlles unha libación devólvense ao xeito primitivo. Non se poden facer sacrificios nin ficar pola noite, porque é cando os deuses visitan o lugar. Facíanse romerías no Pico Sacro con fins curativos.
