O vindeiro 25 de outubro, ás 16:30 horas, en Gres, terá lugar unha nova actividade cultural organizada pola Fundación Neira Vilas e a Asociación Cultural Mestre Manuel Gacio.
Trátase dun roteiro a pé polos lugares vencellados á vida e á obra de Xosé Neira Vilas, unha oportunidade única para descubrir espazos emblemáticos como a Casa do Romano, a escola de Granxa, o serradoiro de Pardo, a ponte románica de Ledesma, as Insuas de Gres ou a propia Fundación Neira Vilas.
A actividade está pensada para todas as idades e permitirá mergullarse na literatura, na historia e na paisaxe galega.
Relatora : Maria Luz Barreiro
👉 Entrada libre
