Reunidos en Lestedo o dezanove de marzo de dous mil dezaseis ás 18 horas coa asistencia da maioría dos
seus membros, a Xunta Directiva tratou e acordou as seguintes cuestións:
ORDE DO DÍA
- Análise e decisión en relación coas actividades que restan por desenvolver no ano 2016.
- 2. Organización desde a Asociación do libro “Antoloxía poética do Pico Sacro”.
- Rogos e preguntas
DESENVOLVEMENTO DA SESIÓN E ACORDOS ADOPTADOS
- Con carácter previo ao inicio da sesión, o Presidente trasladou ás compoñentes e monitoras dos
grupos Loaira e Estralampo a noraboa pola súa actuación no programa Luar o 18 de marzo.
- O Presidente expuxo as actividades que restan por desenvolver no ano 2016 e que foron
aprobadas, no seu día, por acordo da Asamblea Xeral. Así mesmo, sinálanse as datas propostas
para cada unha delas:
– O 3 de abril acudirase coas Asociacións A Ponte e Raiceiros á unha camiñata ata a fervenza
do Pontillón.
– O 14 de maio celebrarase o día das letras galegas cun recital de poesía e música.
– O 28 de maio terá lugar o Serán “Sons do Ilicinio”.
– O 18 de xuño organizarase a “Noite Máxica” no cumio do Pico Sacro cun contador, un
mago e a realización do ritual do lume.
– O 28 de agosto xogaremos coa actividade “Brincando coa Historia”.
As actividades e datas para a súa celebración aprobáronse por consenso sen ter que recorrer
a votación ao non opoñerse ninguén.
- O Presidente expón a posibilidade de que a Asociación organice a elaboración do libro
“Antoloxía poética do Pico Sacro” coa colaboración da Asociación de escritores en lingua galega
e o escritor Miro Villar.
Todos os presentes manifestan a súa conformidade coa proposta que resulta aprobada por consenso.
- Na quenda de rogos e preguntas sinálase a necesidade de vender rifas para o sorteo dunha
enciclopedia. As dúas enciclopedias restantes decídese vendelas na internet.
As camisetas acórdase repartilas entre os nenos dos grupos e as restantes vendelas a un prezo de 10 euros.
Lestedo, 19 de marzo de 2016
A Secretaria
Natalia Lobato Mosquera
